Aram baya nindo mga ka-bombo, pigkriar kan mga Engineers sa California Institute of Technology (Caltech) an pig-aapod na drone na garo transformer huli ta kaya kaining madaling magbalyo gikan sa aerial pasiring sa ground driving mode sa midair.
An nasambitan ng makabagong drone an pigkriar nin Mory Gharib asin Ioannis Mandralis kan Caltech.
Sigun sa duwa an drone an kayang gibuhon an bagay na kulang sa laog kan 50 taon sa aerospace industry an pig-aapod na midair transformation.
Gamit an single motor tanganing mapahiro an central joint na kayang baguhon an oryentasyon kan apat na thrusters kan drone an aerially transforming morphobot o ATMO na ini an kayang mag-transform gikan sa naglulupad na drone pasiring sa garo Rover na behikulo pagyaon na sa daga.
An midair transformation na ini an kritikal nin huli ta an magaspang asin dae pamilyar na agihan an makawsa nin malfunction sa sistema.
Katakod digde, kadakol soboot an namangha sa bagong inobasyon na ini orog na ta kadakol an pinag-agihan na pag-aadal.
Sa ngunyan, an ATMO drone na ini an nasa prototype stage, alagad an kapasipadan kaini sa midair transformation an pigkokonsederar na breakthrough na kaya soboot magpabago sa pagbiyahe sa himpapawid.
