Nakapreparar na an manlaenlaen na mga unit kan National Capital Region Police Office (NCRPO) para sa mahewasang rally na nakatalaang isagibo sa aldaw nin Dominggo, Setyembre-21.
Sigun ki NCRPO chief Maj. Gen. Anthony Aberin, bilog na an Civil Disturbance Management Units na idedeploy sa mga pangenot na tinampo kun saen isasagibo an mahewasang demonstrasyon asin hiro protesta.
Rinibong pulis an mabilog sa mga nasambitan ng unit na andam na mag alalay sa gabos nin aspeto, gikan sa traffic management hasta sa pag-kontrol sa mga ralyista.
Nabilog na man an alternative security plan. An deployment an bibilugon kan 2,200 miyembro kan civil disturbance management, mantang 300 pulis an masirbing standby support force.
Mapakol man sa 40 pulis na masirbing drone operators an idedeploy.
Makakatabang an mga drone units sa mas komprehensibong pagbabantay sa kabilugan kan rally. Sa border control, labi sa 530 personnel kan NCRPO an idedeploy sa mga checkpoint area sa bilog na Metro Manila, mantang 436 pulis an masuporta sa traffic management.
Hurot ni Aberin, gabos nin mga pulis an inabisuhang ipautob asin obserbaran an maximum tolerance.
Siringpaman, dae sana madalan an mga pulis kun may mga ralyista na hayagang mabalgar sa kaukulang ley.
