NAGA CITY– Gadan an sarong drug personality sa tahaw kan operasyon kan mga otoridad sa laog kan sarong hotel sa Barangay IV, Daet, Camarines Norte.
Binisto an suspek na si Rey Dela Peña.
Sa nagunong impormasyon kan Bombo Radyo Naga napag araman, enot ng ipinasairarom kan mga otoridad sa operasyon si Dela Peña sa laog mismo kan Rinz Hotel sa nasambitan ng lugar.
Sa tahaw kan operasyon, natanugan suboot kan suspek na pulis an saiyang katransaksyon kun kaya tulos ining nagbunot nin badil asin pinurbarang magpaputok alagad naenutan kan mga otoridad.
Nagsapo nin lugad sa lawas an suspek na tulos man na binawian nin buhay.
Narekober sa lugar kan pinangyarihan an calibre 45 pistol asin an dara kaining tigtutubudang shabu.
Sa ngonian, nagpapadagos pa an imbestigasyon kan mga otoridad dapit sa nasambitan ng insidente.
