NAGA CITY– Dagos nang napasakamot kan mga otoridad an kinokonsidera komo drug supplier sa banwaan kan Atimonan, Quezon.
Binisto an suspek na si Samjay Bitito Baluyot, 35-anyos.
Sa entrevista kan Bombo Radyo Naga ki PC/Insp Michael Encio, chief of police kan Atimonan-PNP, sinaysay kaini na may nag-abot sainda nin impormasyon na may nagpapabakal nin pigpapangalad na bolong sa Barangay Caridad Ibaba, Atimonan Quezon.
Katakod kaini, tolos na nagsagibo nin operasyon an pulisya kun saen nakabakal nin sarong bulto an puseur buyer alagad inagyar pa kaini an suspek na maglaog sa saindang harong asin pinahiling pa igdi an 12 sachet nin pigtutubodang shabu na haros 150-gramo an timbang asin may kantidad na haros Php 277,500.
Makalihis kaini tolos man na inaresto an suspek asin dae na nagpulag pa.
Sigun ki Encio, hale sa Lucena City si Baluyot asin dayo sana sa nasambitan ng lugar asin nabisto komo supplier nin iligal na droga na kinukua pa suboot sa Laguna.
Sa ngunyan, nasa kustodiya na kan mga otoridad an suspek mantang pigpepreparar na an kasong isasangat laban laban igdi.
