NAGA CITY- Patay ang isang drug suspect matapos manlaban sa isinagawang buy bust operation sa Zone 4A, Magtoto Compound, Concepcion Pequena, sa lungsod ng Naga.
Kinilala ang suspek na si Alvin Pala, 40-anyos, residente ng Barangay Kinalansan, San Jose, Camarines Sur.
Sa nakalap na impormasyon ng Bombo Radyo Nagasa Police Regional Office (PRO) 5, nabatid na nakabili ang nagpanggap na posuer buyer sa suspek ng nasa 150 gramo ng isang pakete ng transaparent plastic sachet ng pinaniniwalaang shabu na tinatayang nagkakahalaga ng P1,700,000 kapalit ang P450,000.
Ngunit, matapos ang transaksiyon, nakahalata ang suspek na pulis ang katransaksiyon nito kung kaya nagtangka itong tumakas habang pinaputukan pa nito ang mga awtortidad gamit ang caliber 45 na baril.
Dito na rin gumanti ng putok ang mga awtoridad at magtamo ng tama ng baril ang suspek na naging dahilan ng agaran nitong kamatayan.
Samantala, napag-alaman na matagal nanag binabantayan ng mga awtoridad ang suspek dahil sa mga report na nakakapagbenta ito ng nasa 500 grams na iligal na droga sa loob lamang ng isang linggo.
