Pig-inkaminar ni Deputy Speaker Yasser Balindong kan Lanao del Sur si Baguio City Mayor Benjamin Magalong na maghagad nin despensa sa Moro community huli sa paggamit kaini kan tataramon na “moro-moro” tangani insultuhon an imbestigasyon kan Kamara katakod kan flood control projects.
Pigtawan duon ni Balindong na bagaman likas sa demokrasya an pagkakaiba nin opinyon, bako dapat ining gamiton komo karibay kan respeto sa kultura asin sa katotohanang nakaugat sa historya.
Dugang pa kan lehislador, ang termino bakong peligruso. Ini nagdadara nin legasiya nin pagbaluktot asin panraraot sa mga tawong Moro. An pag-trivialize kan historya an labing nakaka-anggot
Pinaliwanag pa kan opisyal na an Moro-Moro an sarong dula kan panahon kan mga Espanyol na ginamit tangani insultuhin an mga Muslim.
Hurot ni Balindong, komo lider nararapat sana na ipahiling ni Magalong an pagpapakumbaba sa paagi kan pagbawi sa saiyang pahayag.
Katakod kaini, pinagtibay kan Deputy Speaker an kredibilidad kan isinasagibong imbestigasyon kan Kamara, na soboot nasa pangenot na yugto pa sana.
Itinatag kansuarin sana an Tri-Committee na binibilog kan Public Accounts, Good Government and Public Accountability, asin Public Works and Highways—tangani pamayuhan an pagsisiyasat sa P545-bilyong flood control program. Bagaman mayo pang pormal na hearing, naenot nang nagtao nin briefing an DPWH sa Committee on Public Accounts.
Pigduon ni Balindong na an proseso an isinasagibo nin may kalinawan, katarungan, asin paninimbagan.
