Malabo soboot mag-usad an planong pagsunad nin impeachment complaint kontra ki Presidente Ferdinand Marcos Jr.
Sigun ki House Deputy Speaker Ronaldo Puno na mayong basehan o grounds tanganing ma-impeach an Presidente orog ta marhay man an liderato kaini.
Susog sa report na planong magsunad nin impeachment complaint si Cavite Rep. Kiko Barzaga kontra sa Punong Ehekutibo.
Duda man si Puno kun igwang masuporta sa lakdang ni Barzaga.
Mientrastanto, pigtawan-duon ni Puno na libredo si Barzaga na magsunad nin impeachment complaint.
Alagad mayong nahihiling na legitimate complaint an opisyal tanganing sunadan nin impeachment an Presidente.
Pigtawan duon pa ni Puno na pigsimbagan man kan Presidente an mga importanteng isyu sa nasyon nin igwang pokus asin determinasyon.
