Naihatod na kan Department of Social Welfare and Development an kinakaipuhan na tabang para sa mga residenteng apektado kan flashflood sa Barangay Pasonanca, Zamboanga City.
Napag-araman nangyari an insidente kan nakalihis na Sabado kan nakalihis na semana.
Sigun sa ahensya, kaibahan sa saindang pighatod na tabang iyo an 571 boxes nin family food packs para sa mga displaced families dara kan pagbaha.
Basado sa datos, maabot sa 739 pamilya o katampad kan 2,374 katawo an naikurit na apektado kan pagbaha sa nasambitan ng lugar.
Sa ngunyan, maabot sa 9 na evacuation centers an temporaryong nag-iistar sa mga pamilya na nag-ebakwar gikan sa saindang kanya-kanyang harong.
Manunutaran ini sa Barangay kan Tumaga, Pasonaca, Boalan, Tugbungan, asin Lunzuran.
Sa ibong kaini, pigsierto kan ahensiya na bastante an saindang stock kan mga relief item asin nakaprepar ining i-distribute enkaso kaipuhanon.
