PUPUONAN na kan Department of Social Welfare and Development (DSWD) an distribution kan financial assistance sa mga pamilyang naapektaran kan Bagyong Enteng sa masunod na semana.
Sigun ki DSWD Secretary Rex Gatchalian, tinatapos na sana kan ahensya an mga request para sa family food packs.
Pigsierto kan sekretaryo na bastante asin dae magkukulang an mga relief items komo preparasyon sa mga posible pang kalamidad na maabot sa nasyon.
Dae soboot nag-uuntok an ahensya sa disaster response operation tanganing masierto na matatawan nin tabang an gabos kan mga residenteng nanlamasa kan nakalihis na bagyo.
Paliwanag pa ni Gatchalian, labi kabanga kan pigkakarkulong 500,000 family food packs an nakatagam para sa mga pinaglamasa kan Bagyong Enteng an naidestrebwer an sa bilog na nasyon komo augmentation support sa mga apektadong local government units (LGUs).
