NAGA CITY- Nagheras an DTI-Camarines Sur nin mga paagi tanganing makatipid ngunyan na bagong taon.
Sa entrevista kan Bmbo Radyo Naga ki Jay Percival Ablan, Provincial Director kan DTI-CamSur, sinaysay kaini na antes na magpasiring sa mga grovery store asin iba pang bakalan, kinakaipuhan na preparado soboot an lambang mga tawo tanganig malikayan an labi-labing paggastos para sa selebrasyon kan bagong taon.
Sigun pa ki Ablan, an mga minasunod an mga tips kun pano makakatipid an publiko sa nasambitan ng okasyon.
Maglista kan mga barakalon; Ikumpara an presyo kan babakalon na produkto; hilingon an expiry date asin ingredients kan produktong babakalon; maghagad nin resibo; i-patronize an local products asin an pag-download kan DTI E-Presyo app.
Sa paagi soboot kan DTI E-Presyo mas mapaparekas an pag-grocery asin makakabakal pa nin mga bararatong produkto nin huli ta available sa app na ini an presyuhan kan mga produkto.
Apwera digde, makakatabang pa an DTI E-Presyo apptanganing malikayan an pang-aabuso sa pigpapatawan na presyuhan kan partikular na products.
Sa ngunyan, pig-enkaminar na sana kan opisyal an publiko na padagos na makipagtabangan sa sainda asin ipaabot sa DTI kun enkaso igwang nanutaran na pagbalgar dapit sa presyuhan kan mga produkto sa Rehiyon.
