Pig-angat ni Kamanggagawa Party-list Representative Elijah San Fernando si Department of Trade and Industry (DTI) Secretary Cristina Roque sa “P500 Noche Buena Challenge” tanganing patunayan na kasya an nasambitan ng kantidad para sa simpleng noche buena.
Sa ipigheras na video post kan lehislador, pig-angat kaini si DTI Chief na gibuhon an nasambitan ng challenge kun nagtutubod asin naninindugan ining kasya an kantidad na 500 pesos para sa noche buena.
Pigtangro man kan kongresista an sekretaryo na magpili nin lugar o merkado na dudumanan asin saiya ining iibahan.
Hurot kan lehislador, an pahayag kan sekretaryo an insulto sa lambang obrero asin ordinaryong Pilipino.
Alagad maski soboot totoo na kaipuhang magarbo an handaan, hapot ni San Fernando kun ano baya an kayang bakalon kan P500 pesos na simple asin disenteng Noche Buena para sa sarong pamilya.
Hurot po ni San Fernando na an nagin pahayag kan DTI an orog pang nakaraot sa tiwala kan publiko orog na sa panahon na namamatean kan mga pamilya an pasanon na dara kan haralangkaw na presyo kan mga barakalon, mayong paghiro sa sahod asin mayong kasiertuhan na dara kan iskandalo sa flood control anomaly.
Enot digde, nanindugan si Sec. Roque na kasya an P500 para sa noche buena sa maabot na Pasko.
Alagad nilinaw kan sekretaryo na nakadepende pa man ini sa numero kan miyembro kan pamilya asin mga ihahandang pagkakan.
Paliwanag pa kan opisyal na igwang available packages asin bundles sa merkado tanganing makatipid asin nagpautob na man nin price freeze sa basic asin prime commodities hasta sa Enero 2026 kaya mayong paglangkaw sa nasambitan ng mga produkto.
