DTI pigpakiulayan an mga negosyante na dae muna maglangkaw nin presyo

Makundusir nin urulay an Department of Trade and Industry (DTI) sa nagkapirang mga manufacturers sa mga masunod na aldaw.

Sigun ki Trade Secretary Cristina Roque, pag-uulayan soboot an kahurutan kan mga ini sa paglangkaw nin hasta 5 porsyento kan saindang presyo.

Dugang pa kan sekretaryo na kadaklan sa mga manufacturers na naghuhurot kan nasambitan ng paglangkaw an mga nagpapaakal nin mga pang-noche buena.

Mientrastanto plano man ni Roque na pakiulayan an mga ini na dae muna soboot maglangkaw nin presyo huli sa mga naeksperyensiyahan na kalamidad sa nasyon.

Katakod digde sa masunod na mga aldaw maluwas sinda nin Noche Buena price list tanganing magin basehan kan mga parabakal.