Pigpapaluwas na kan Department of Trade and Industry (DTI) an bagong suggested retail price sa nagkapirang mga pangenot na barakalon sa nasyon.
Sa nasambitan ng listahan, igwa nin 77 na produkto an igwang paglangkaw.
An pinakahuring pagpapaluwas kaya ninda nin SRP kan mga produkto iyo an kan nakalihis na Enero 12 kan nakalihis na taon.
Basado sa datus kan DTI na sa 191 na shelf-keeping units (SKU), 77 items o 40 percent kan mga ini an naglangkaw an presyo.
Pigkakabalihan kan mga naglangkaw na presyo iyo an sardinas, condensed milk, evaporated, powdered mik, tinapay, asin, sabon, corned beef, kandila, instant noodles, luncheon , beef asin meat loaf asin coffee refill.
An mga sardinas naglangkaw nin magpuon sa 5 hasta sa 15 percent o duwang centimo na P2.73 para sa 155 gramo kan delata.
Mantang an gatas an igwa nin anom hasta sa 10 percent na pagtaas o nasa P2.50 hasta P6.00 depende sa brand. Igwa nin 108 na mga produkto man an dae nagbago kan saindang presyo.
