Piglalaoman na mapautob nin dugang na presyo sa gasolina mantang pagbaba man sa diesel asin kerosene an piglalaoman sa maabot na aldaw nin Martes, Agosto 19, 2025.
Sa magkasuhay na abiso, an Seaoil Philippines Corp. asin Shell Pilipinas Corp. madugang nin nasa P0.60 sa kada litro kan gasolina mantang tapyas presyo man sa diesel na nagpapakol sa P0.80 kada litro siringman sa kerosene na P0.90 kada litro.
An Cleanfuel asin Petro Gazz will an ma-implementar kan parehas na presyuhan.
An nasambitan ng adjustments an ipapautob alas 6 nin aga sa aldaw nin Martes sa gabos na kumpanya kan langis apwera sa Cleanfuel na ma-implementar kan presyuhan alas 8:01 nin aga sa kaparehas na aldaw.
Enot naman na pigsaysay kan Department of Energy na an nasambitan ng paghiro an huli pa man sa kamugtakan sa pankinaban na merkado.
