NAGA CITY- Ikinaogma kan Commission on Elections an mapakol sa 430,000 individuals na nagsumiter kan saindang aplikasyon para magin ganap na botante sa isasagibong 2025 national asin local elections.
Basado sa poll body, as of June 12, naproseso na ninda an 3,642,176 individuals na nagsunad nin voters application sa manlaen-laen na registration area sa nasyon. Nadugangan ini nin 431,653 application gikan sa dating 3,210,523 kan Mayo 28.
Nagpuon man an voter registration kan February 12 asin nakatalaang matapos sa September 30 kan presenteng taon. Enot nang sinaysay kan COMELEC an target nindang 3 million individuals na magsuand nin aplikasyon.
Nakapagrehistro man nin pinakadakol na voters registrants an Southern Tagalog region na kinababalihan kan Cavite, Laguna, Batangas, Rizal, asin Quezon na nagpakol sa 632,493 applicants.
Pigsunudan ini kan NCR na igwa nin 510,590 asin Central Luzon na igwa nin 422,092, Central Visayas na may 248,193, Davao na igwa ni 213,0300, Western Visayas na may 200,351, Bicol region an igwa man nin 165,056, asin Western Mindanao na nagpakol man sa 146,793.
