Mapapauktaba an pagheheras kan dugang na P1,000 na dagdag honoraria sa mga paratukdo asin man mga poll workers na nagsirbi sa 2025 midterm elections, sigun sa Commission on Elections (Comelec).
Sinaysay ni Comelec Chairman George Erwin Garcia na kan nakalihis na aldaw nin Lunes, Mayo 19, sana ninda naresiber an notice makalihis pa-unrahan an saindang hirit ni Presidente Bongbong Marcos Jr.,
Alagad pig asegurar ninda na mareresiber ini kan lambang mga poll workers. Iheheras an nasambitan ng dugang na P1,000 sa gabos nin electoral board members sa bilog na nasyon, apwera pa sa naenot na dagdag na P2,000.00.
Naenot nang inaprubaran kan Department of Budget and Management (DBM) an nasa P758,459 na pondo komo pasasalamat sa gabos nin nagsirbi kan nakalihis na halalan. Huli man digde, an bagong honoraria kan mga miyembro kan electoral board ay P13,000 sa Chairperson, tig-P12,000 sa poll clerk asin man third member, mantang nasa P9,000 man an makukua kan support staff.
An mga miyembro kan volunteer staff gikan sa Department of Education (DepEd) ay P12,000 sa supervisors, P9,000 sa admin support staff, asin P10,000 man sa supervisors tech support staff.
