NAGA CITY- Dae nakaatendir si presidente Rodrigo Duterte sa selebrasyon kan National Teachers Day sa ciudad nin Legazpi.
Ini an kinumpirmar ni May Jumamil, tagapagtaram kan Department of Education (DepEd) Bicol sa entrevista kan Bombo Radyo Naga.
Sigon ki Jumamil, nag-abot sa aktibidad si Department of Budget and Management (DBM) Sec. Benjamin Diokno na nagrepresentar sa presidente sa Teachers Day celebration na kinondusir sa Ibalong Centrum for Recreation.
Presente man sa aktibidad si DepEd Sec. Leonor Briones siring man si Ryan Homan na sarong Bicolano Dangal ng Bayan Awardee para magtao kan saindang mensahe para sa mga paratukdo.
Mientrastanto, apwera sa mensahe hale sa DBM asin DepEd secretaries, nagkaigwa man nin mga aktibidad para sa mga paratukdo na nag-abot sa 6,000 hale pa sa manlaen laeng rehiyon sa nasyon.
