Aram baya nindo mga ka-Bombo, duwang lalaking atleta gikan sa Michigan an opisyal na nakapasa nin Guinness World Record para sa pinakahalabang marathon sa pagkakawat nin singles pickleball makalihis makapagrehistro nin 28 oras na kawat.
Sinaysay kan mga residente kan Grand Rapids na sina Brad Haverkamp asin Caleb Dang na pinorbaran nindang pasaon an rekord hurling parte kan Nobyembre, makalihis na mabigo an saindang primerong pagpoporbar kan nakalihis na 2024 na mapasa an siring na record para sa doubles pickleball.
Nagkawat an duwa nin dagos-dagos sa laog nin 28 oras, asin tinugotan sana sindang magpahingalo nin limang minuto kada oras.
Naaraman kan duwa ngunyan na bulan na inako kan Guinness World Records an ebidensiya gikan sa saindang pagpoporbar, asin opisyal na nindang kapot an titulo para sa pinakahalabang marathon sa pagkakawat kan pickleball (singles).
