NAGA CITY- Nagtama an haros duwang magkasunod na linog sa probinsya nin Camarines Sur asin sa Camarines Norte.
Enot na nagtama an magnitude 3.9 na linog sa banwaan nin Daet, Camarines Norte ala-1: 25 nin mag-uumagahon ngonyan na aldaw. Nakua an epicenter kaini sa rayong 93 kilometro norteng sirangan kan nasambitang banwaan.
May rarom ining sarong kilometro asin tectonic an pinaghalean. Mientrastanto, alas-2:28 nin mag-uumagahon man kan mamatean an magnitude 3.3 na linog sa banwaan nin Sipocot, Camarines Sur.
Nakua an epicenter kaini sa rayong siyam na kilometro timog sulnupan kan nasambitang banwaan.
Igwang rarom na tolong kilometro an linog asin tectonic an pinaghalean. Namatean an Intensity II sa Mercedes, Camarines Norte.
Mayo man nairehistrong nairido o nadanyaran na mga establisimiento sa nasambitang haros magkasunod na linog sa duwang probinsya.
