Pigyugo-yugo kan sarong peligrosong 6.8 magnitude na linog an eastern Cuba kan nakalihis na semana, pirang aldaw sana makalihis na tumama an bagyong Rafael, na nagin rason nin mga blackout sa bilog na nasyon.
Susog sa United States Geological Survey, naitala an sentro kan linog 25 milya sa sur kan munisipyo kan Bartolomé Masó, Cuba.
Dugang pa, sinda nabigla sa sarong 5.9 magnitude na linog, sarong oras antes makaeksperyensya kan ikaduwang makusog na linog.
Alagad duwang magkasunod na linog an nakabigla sa nasyon, dai ini nag-inkaminar tanganing magkaigwa nin kahaditan sa posibleng tsunami.
Alagad, mayo pang nairehistrong casualty an mga otoridad huli sa insidente.
