NAGA CITY– Irido an duwang persona makalihis an banggaan kan duwang lunadan sa kalabaan kan Maharlika sa may parte kan Brgy Pasay,Del Gallego, Camarines Sur.
Binisto an mga nairido na sinda Mylene Gaya, 33 anyos, driver kan van asin an pasahero kaini na si Marlon Surban, 33 anyos.
Sa nagunong impormasyon kan Bombo Radyo Naga, napag araman na binabagtas ninda Gaya asin kan pasahero kaini lunad nin van an kalabaan kan tinampo sa nasambitan ng lugar kan bigla na sana ining makabangga sa Cargo Truck na minamaneho man ni Noli Mortez, 30 anyos.
Huli digdi, nagsapo nin lugad sa manlaenlaeng parte kan saiyang lawas an nasambitan ng mga persona na tulos man idinalagan sa ospital tanganing ipabulong.
Sa ngunian, nagpapadagos pa man an imbestigasyon kan mga otoridad manungod sa nasambitan ng insidente.
