Nagin preparado an Philippine Air Force (PAF) sa pag abot kan mga bangkay kan duwang pilotong nagadan makalihis na magbagasak an paglulunadan nindang FA-50 fighter jet sa Bukidnon kan nakalihis na Martes, Marso 4 2025.
Pigagawadan na nin arrival honors asin man parangal kan Philippine Air Force sinda Major Salang-oy asin Lt. Dadulla.
Sigun ki PAF spokesperson Col. Consuelo Castillo, an naresiber na parangal kan duwang nasawing piloto an Distinguish Aviation Cross.
Ini man an pinakahalangkaw na parangal na iginagawad sa miyebro kan PAF na nagsasagibo nin natatanging aksyon o serbisyo asin nagpahiling katapangan, dedikasyon, asin husay sa saindang tungkulin.
Nakatalaan na idiretso an lawas kan nasambitan ng duwang piloto pasado alas-3:00 nin pagkahapon kansuudma sa Villamor Airbase na kun saen pigsabat man sinda ni Special Assistant to the President, Secretary Anton Lagdameo, imbes na an mismong Presidente Ferdinand ‘Bongbong’ Marcos Jr. nin huli sa sarong “urgent matter,” kaya man dae naka-atendir nin personal an Presidente.
Naenot nang ipinag-sugo ni Presidente Marcos an tulos na imbestigasyon sa nagin kawsa kan pagbagsak kan mga aircraft.
Pigsaysay man kan PAF na piglalaomang matutukoy na sa orog na marikas na panahon an kawsa kan nasambitan ng pagbagsak kan aircraft nin huli ta narekober na an flight data recorder kaini.
Pigsierto man kan gobyerno na dae man masasayang an gabos nin sakripisyo kan duwang piloto para sa nasyon asin itatao an nagkakanigoong tabang sa mga naulilang pamilya kan mga ini.
