Makawat na sa main draw kan WTA 1000 Dubai Duty Free International Tennis Championship si Pinay tenni star Alex Eala.
Pig-anunsyar kan organizers na gikan sa qualifying draw an na-upgrade na si Eala sa main tournament.
Pigsagibo an anunsiyo makalihis na maabot kan 20-anyos na si Eala an ranked 40 sa Women’s Tennis Associaton (WTA).
Boot sabihon, igwa iningtsansa na makahampang an nagkapirang mga darakulang pangaran sa tennis.
Kinababalihan ini ninda world No. 1 Aryna Sabalenka of Belarus, No. 2 Iga Swiatek of Poland asin No. 3 Elena Rybakina kan Kazakhstan na iyong nagkampeon sa Australian Open kan nakalihis na bulan.
An torneo sa Dubai an panduwang laban ni Eala sa United Arab Emirates makalihis an WTA 500 Abu Dhabi Open kun saen nag-abot ini sa singles quarterfinals.
Makalihis an torneo sa Dubai, mapasiring si Eala sa US para sa pagpartisipar sa nagkapirang torneo siring sa Indian Wells Open sa California puon Marso 4 hasta 15 asin sa pagkawat kaini liwat sa Miami Open na mapuon sa Marso 17 hasta 29.
