Nangapudan an Organisation for Economic Co‑operation and Development (OECD) sa gobyerno kan Pilipinas na bawasan an mga fiscal incentives asin padikit-dikit na halion an VAT exemptions para sa senior citizens asin private schools tanganing mabawasan an utang asin ribayan an budget deficit.
Sigun sa OECD, kaipuhan kan Pilipinas na parekason an fiscal consolidation sa paagi kan mar marhay na pagkolektar nin buwis asin mas epektibong paggastos tanganing maproteheran an public debt kan nasyon.
Pig-abisuhan kan grupo na padikit-dikit halion an VAT exemptions sa mga pribadong healthcare, education, asin senior citizens, kasabay kan targeted social transfers, asin pag-phase out kan corporate tax holidays.
Apwera digde, pigsuhestyon man kan OECD an pagmukna nin tiered social protection system, kaibahan an universal basic pension para sa gabos kan mga senior citizen asin an pagbalyo kan financing kan universal healthcare gikan sa social security contributions pasiring sa general taxes.
Kabali na man sa rekomendasyon an reporma sa public administration asin sa pension system kan military asin uniformed personnel tanganing mapamarhay an efficiency kan paggastos.
Sa pagtataya kan OECD, mapakol sa 5.1% an pag-uswag kan Gross Domestic Product (GDP) kan Pilipinas sa 2026 asin 5.8% sa 2027, basado sa hababang inflation asin mas haluwag na financial conditions.
Alagad nagpatanid an grupo, nahahampang an nasyon sa “significant headwinds” siring kan nagluluyang populasyon asin nagtitinding peligro gikan sa climate change.
Tanganing maabot an ambisyon kan ”AmBisyon Natin 2040” na triple an per capita income sa $11,000, kaipuhan na maglangkaw an average annual productivity growth puon 4.5% sa 5.2% hasta 2040.
Importante man soboot na makua kan nasyon an GDP growth average kaini sa 6% puon 2025 hasta 2040.
