Kinumpirmar kan Israeli authorities na tinugutan na man an Egypt asin International Committee of the Red Cross (ICRC) tangani hanapon an mga lawas kan mga nagadan na bihag kan nakalihis na October 7 attacks.
Sigun sa gobyerno kan Israel, tinugutan an mga grupo tangani magsagibo nin search operation sa lagpas kan inaapod na yellow line sa lugar na kontrolado kan Israeli Defense Forces sa Gaza.
An yellow line an marka kan hangganan sa may hilaga, timog asin silangan kan Gaza, kun saen hinali an mga tropa kan Israel komo parte kan primerong yugto kan kasunduan para sa untok-putukan.
Magamit man an mga search team kan excavator machines asin trucks para sa paghahanap sa mga lawas na lampas sa yellow line.
Kan nakalihis na aldaw, pigreport man kan Israeli media na tinugutan an mga miyembro kan Hamas na makalaog sa lugar na kontrolado kan Israeli forces sa Gaza tangani magtabang sa paghahanap kaiba an International Red Cross teams.
Sa presente, nag aabot na sa 15 gikan sa 28 lawas kan mga ginadan na Israeli hostages an naibalik kan Hamas sa irarom kan primerong yugto kan ceasefire deal.
