Ikinaogma kan mga lokal na tapaghanga an kapangganahan ni EJ Obiena sa Atletang Ayala World Pole Vault Challenge na ginanap sa Ayala Triangle Gardens, Makati City kasuodma, Domingo, Setyembre 21.
Sa ibong kan maraot na panahon, nalampasan ni Obiena an langkaw na 5.80 meter, katampad kan saiyang pinakamahusay na record ngunyan na season, asin dinaog si Thibaut Collet kan France sa paagi kan countback.
Pareho nindang naikurit an 5.80m, alagad si Obiena an nakakua kan kapangganahan. Ini an primerong international title ni Obiena sa sadiring nasyon.
Pigporbaran man ni Obiena na lampasan an 5.85m (duwang beses) asin 5.90m (sarong beses) alagad dae ini nagtrayumpo.
Si Collet, na nagtapos kan ika-lima sa World Athletics Championships kasuarin sana, an dae na man na-clear an 5.90m sa tolong pagporbar.
