Masabak na sa international event si Filipino pole vaulter Ernest John “EJ” Obiena.
An ranked number four an pirang bulan na dae nagsabak sa mga kumpetisyon huli sa saiyang spine injury.
Huring nagsabak si Obiena kan nakalihis na Agosto kun saen nagtapos ini sa pang-apat na puwesto sa Paris Olympics.
Pigsaysay man kan pole vaulter na nag-ensayo na ini kan nakalihis na bulan para sa pagsabak sa International Jump Meeting sa Lausitz-Arena, Germany sa maabot na Enero 29.
Ini soboot an saiyang kaenot-enoting indoor event ngunyan na 2025.
Labi man soboot ining naoogma huli ta haloy naman na dae nakasabak sa mga international competition.
Marurumduman kan nakalihis na Nobyembre kan 2024, piglunsar ni Obiena an saiyang enot na training pole facility sa Laoag, Ilocos Norte.
