Nakabawi na ngunyan si World Number 4 asin Asian champion pole vaulter EJ Obiena makalihis na magpuli nin gintong medalya sa Orlen Copernicus Cup na pigkundisir sa Torun, Poland.
Naikurit kan two-time Olympian an 5.80 meter clearance tangani mangenot sa siyam na mga ibang kabali.
Nasa panduwang puwesto an pambato kan Poland na si Piotr Lisek na nagrehistro sana nin 5.70meter.
Mantang na sa pantulong puwesto si Sondre Guttormsen kan Norway. Ini na an panduwang gintong medalya na nakua ni Obiena na enot iyo an sa Metz Moselle Athletor sa France kan nakalihis na bulan.
Maikokonsiderar man na garu haros pagbangon man ining maisasabi huli sa nagtapos sana ini sa pangpitong puwesto sa mga walong parakawat sa ISTAF Indoor tournament na pigkundisir sa Dusseldorf, Germany.
