Matinir nin pirang aldaw sa Dubai si Pinoy pole vaulter EJ Obiena.
Sinaysay kan saiyang adviser asin benefactor na si Jim Lafferty na saindang paplanuhon nin marhay an nagrarani na outdoor season.
Sa nakalihis na pitong kumpetisyon na pibalihan kan 29-anyos na si Obiena sa pagpupuon ngunyan na taon, dae ini nakapag-clear nin 5.80 meters.
Pinakahuri an kan nakalihis na semana sa Mondo Classic na sarong indoor event kun saen sa 10 mga nagbali, naging pang-walo sana ini.
An masunod na laban kaini, an Diamond League na mangyayari sa China na saro ining outdoor event.
Sinaysay ni Lafferty na huli sa injury sa likod ni Obiena kaya dae ini nakapag-ensayo nin maray antes an pirang mga kumpetisyon na pigsagibo.
Huli sa maluyang indoor performance kaini, binawasan na sana kaini an pagbali digdi asin pigpokus sa outdoor competition.
