Saro sa pinakamarekas na naglago sa bilog na asya ngunyan na 2024 an ekonomiya kan Pilipinas sa ibong pa kan pangkinaban na mga huma siring kan geopolitical tensions.
Ini an makalihis na maikurit sa 5.2% an economic growth kan Pilipinas sa ika-tolong kwarter kan taon rason tanganing magpakol sa 5.8% an average economic growth sa enot na 3 quarters.
Naungusan kan ekonomiya kan PH an ibang mga nasyon sa Asya kaibahan an Malaysia na igwang 5.2% economic growth sa nasambitan ng panahon, an Indonesia nasa 5%, magin an China na igwang 4.8% sana, asin Singapore na may 3.8%.
Enot na nag-ambag sa marekas na paglago kan ekonomiya kan nasyon an makusog na capital formation asin marekas na government spending.
Sigun ki National Economic and Development Authority (Neda) Secretary Arsenio Balisacan, nagpahiling nin pambihirang katatagan an ekonomiya kan nasyon ngunyan na taon kun saen an gross domestic product (GDP) growth an naglaog sa average na 5.8% sa enot na 3 quarter kan 2024.
Ini an sa ibong pa kan naeksperyensiyahan kan nasyon na mga weather-related disturbances o disruptions sa bilog na taon siring an haloy na dry season huli sa El Niño phenomenon asin magkakasunod na makukusog na bagyo sa tahaw kan La Niña.
Sa ibong soboot kaini, napatinir pa man kan growth rate kan nasyon an posisyon komo saro sa fastest-growing economies sa Asya.
Patunay soboot ini kan pagsusumikap asin dedikasyon kan mga namamanwaan asin an mga polisiyang ipinautob kan gobyerno sa likod kan mga huma.
