Kumpirmado na an suhayan ninda Elisse Joson asin McCoy de Leon, duwang taon makalihis liwat na magbalikan.
Ini an kasunod kan anunsiyo ni Elise sa saiyang Instagram kaining Hulyo 25 na nagtapos na an saindang pag-ibahan, kalakip an mga alaala kaibahan an aki na si Felize.
Sigun ki Elise pareho sindang naghingowa na ipaglaban an saindang relasyon, alagad napagdesisyunan na nindang dagusan nang magsuhayan para sa katoninongan asin personal healing.
Alagad maski suhay na, pigsierto ni Elise na matinir sindang pamilya para ki Felize. Pighagad man kaini sa publiko an pag-intindi asin respeto sa saindang desisyon.
Marurumduman nag-ugat an relasyon kan duwa sa Pinoy Big Brother kan taong-2016 asin biniyayaan sinda nin aki kan taong-2021. Nagin urulay-ulay an saindang relasyon on-and-of, kaibahan an mga isyu kan soboot pagtataksil kan taong-2023.
