Dae ipapaapod o iisyuhan nin subpoena kan Senate Blue Ribbon Committee si Ako Bicol party-list Rep. Elizaldy Co sa ibong kan magagabat na alegasyong pigsisiwalat kontra sa saiya dapit sa soboot korapsiyon sa flood control projects.
Sigun ki Senate President Pro Tempore Ping Lacson, pigsusunod ninda an inter-parliamentary courtesy kaya dae ninda direktang iimbitaran an kongresista.
Siring man, pwede soboot magboluntaryong mag-atendir si Co tanganing simbagan an mga akusasyon kontra sa saiya.
Bukas man an komite kun mamawoton ni Co na maghampang sa pagdangog tanganing simbagan an mga paratang ninda dating District Engineer Henry Alcantara asin dating Assistant District Engineer Brice Hernandez.
Sigun man ki Senador Erwin Tulfo, nakadepende ki Co an pag-atendir sa imbestigasyon dapit sa soboot korapsiyon sa flood control projects.
