Back to back win para sa Pilipinas an pagkagana ni Emma Tiglao sa Miss Grand International 2025 na pigkundusir sa Bangkok, Thailand.
Kinoronahan si Emma kan outgoing Miss Grand International 2024 na si CJ Opiaza, parehas gikan sa Pilipinas.
Makalihis koronahan si Emma, nagtugtog an pambansang awit kan Pilipinas sa venue, asin sinundan ini kan saiyang enot na lakaw komo Miss Grand International 2025.
Antes pa ini, sa Top 10 speech ni Emma, nagtaram ini kontra sa korapsyon na nangyayari sa Pilipinas asin iba pang importanteng isyu.
Sa evening gown competition man, pig-omaw si Emma sa sulot kaining kulay orange na gown na igwang matching feather cape na pigkriar ni Rhian Fernandez.
Pigmirar komo 4th runner up an Venezuela; 3rd runner up an Ghana; 2nd runner up an Spain; asin 1st runner up man an Thailand.
