Presenteng nakaka-eksperyensya nin massive missile attack gikan sa Russia an energy infrastracture kan Ukraine ngunyan na aldaw nin Huwebes, Nobyembre 28.
Ini an ikaduwang pagkakataon ngonian na bulan nin Nobyembre na an Russia naglansar nin siring na pag’atake.
Nagresulta ini sa pagkawara kan suplay nin kuryente sa 523,000 na mga harong asin mga kumpanya sa western Lviv region.
Siring man, 260,000 katawo sa west kan Kyiv an nawaran nin kuryente asin suplay nin tubig.
Susog ki Ukraine Energy Minister na si Herman Halushchenko, an mga emerhensiyang pagkawara nin kuryente pigdeklarar sa mga rehiyon nin Kyiv, Odesa, Dnipro asin Donetsk huli sa mga pag’atake sa energy facilities.
Nagdeklarar na man nin air raid alert sa bilog na Ukraine huli sa missile threat. Dae pa matukoy sa ngunyan kun pira an pigbutas na mga missiles kan Russia target an mga energy infra kan Ukraine alagad sa naenot na massive attacks kaini, nagpakol sa 120 missiles asin 90 drones an piglansar kan Russia.
An nasmbitan ng pag-atake piglansar kan Russia sa tahw kan orog pang pagbagsak kan temperature sa bilog na Ukrine sa zero degrees Celsius.
Naenot na man na pig abiso ni senior UN official Rosemary DiCarlo na posibleng an winter nguyan sa Ukraine an pinakamalala magpuon kan magsiklab an giyera haros 3 taon na an nakakalihis kawsa kan pagpunterya kan Russia sa energy infrastructure kan Ukraine.
