Nagpoon na an enot na pagtiripon kan Regional Development Investment Plan (RDIP) para sa taon 2026.
Segun ki Governor Noel Rosal ng Albay, Regional Development Council Chairperson, sinaysay kaini na mas mahigot ngunian an proseso sa pag-aprobar kan mga proyekto—kaipuhan na ibali sa RDIP an gabos na programa bago maisumite sa bilog na konseho para sa pinal na pag-aprobar.
Pigbanggit man kaini na kabali sa mga mayor na proyekto iyo an mga flagship programs na i-endorso kan mga gobernador, alkalde, asin mga kongresista.
Saro sa mga pigtututukan iyo an mga dagdag na programa para sa mga airport sa Masbate, Catanduanes, asin Camarines Norte, na pigkokonsiderar na kritikal para sa mas marikas na koneksyon asin pag-uswag kan rehiyon.
Partikular na tinawan nin duon an pangangaipo na maparikas an pagtogdok nin mga paliparan, orog na sa Camarines Norte asin Naga, nin huli ta ini importante para sa pag-uswag kan ekonomiya asin turismo.
Pig-esplikar man kaini sa pagtiripon, ipinagirumdom man na an Regional Development Investment Plan (RDIP) an maserbing master plan kan rehiyon, kun kaya an anuman na proyekto na dae kabali digdi dae pwedeng maaprobaran. An lakdang na ini nahihiling na nagtatao nin mas malinaw na direksyon asin mas estriktong mga pamantayan sa pagpili nin mga proyekto sa pag-uswag.
