NAGA CITY- Namamatean na kan mga residentes sa banwaan nin Tigaon an epekto kan labing init nin panahon.
Katakod kaini, pigkokonsederar na dakulang tabang sa nasambitan ng banwaan orog na sa mga nagtatanom nin gulay an pig-aapod na Solar-Powered Irrigation Systems.
An Solar-Powered Irrigation Systems nakakapag-generate nin tubig na kinakaipuhan kan mga pananom.
Marurumduman, kan nakalihis na taong 2021 kan idestrebwer ini kan Department of Agrarian Reform sa irarom kan Climate Resilient Farm Productivity Support Program para sa mga agrarian reform beneficiaries.
Sigun sa sarong Agrarian Refom Beneficiaries, napapakinabangan pa an Solar-Powered Irrigation para sa nagkapira pang mga pananom na padikit-dikit naman na nakakaeksperyensiya nin labing init kan panahon.
Importante soboot na natatawan kasimbagan asin igwang preparasyon na ginigibo an mga local farmers tanganing dae malugi asin masayang an mga pigtatanom kan mga paraoma.
Sa ngunyan, naglalaom na sana an mga residentes sa banwaan kan Tigaon na dae na mas orog pang maglala ang init na mamamatean tanganing makapagpadagos man sa pagtatanom.
