Pig-inkaminar ni House Ways and Means Committee Chair Joey Salceda an Energy Regulatory Commission (ECC) na pag adalan kun pano mairerefund sa mga consumer an nasa P21 billion na siningil kan NGCP magpuon 2011.
An nasambitan ng kantidad ay kawsa kan pagsumiter o pass-on kan NGCP sa mga customer kan pigbabayadan na 3% franchise tax.
Segun ki ERC Chairperson Monalisa Dimalanta, pinag-uurulayan pa kan komisyon kun may posibilidad na mai-refund an nasambitan ng kantidad huli sa igwa nin pigpaluwas na resolusyon an dating pamayuhan kan ERC na nagtutugot sa pass-on charges kan nakalihis na 2011.
Sa ngunyan an saindang nagin lakdang iyo an pag-suspendir sa pass-on charges na nagin epektibo kan 2023.
Hurot man ni Salceda, igwa nang desisyon an Korte Suprema kaidto na nagbabawal sa pagsumiter nin mga public utilities kan saindang pigbabayadan na buwis komo operating expenses.
