Pigheras ni Eric Eruption Tai sa saiyang social media an nakaka-inspire soboot na pagbawas ninda nin timbang kan saiyang agom na si Rona kasabay sa pagselebrar kan saindang ika-sampulong taon na wedding anniversary.
Sigun ki Eruption imbes na magselebrar sa paagi kan pagkakan sa mga mamahalon na restaurant o kaya mga out-of-town trips, nagdesisyon soboot sindang mag-agom na magpokus sa salud, disiplina asin panghaluyan na karahayan.
Mas pinili soboot ninda an mas magayon na buhay sa paagi kan marhay man na salud kaysa sa mga bagay na dae man makakapaghatod nin karahayan sa sainda.
Dugang pa ni Eruption na saindang pinuonan an pagpapapayat sa pagpuon pa sana kan taon.
Pigsaysay pa kaini na an totoong pagkamoot an dae sana mahihiling sa mga material na bagay kundi sa pigheras na values asin commitment sa lambang saro.
