Nakasalbar an nasa nasa 50 pasahero asin limang crew makalihis na magbagsak an eroplano sa kadagatan kan Somalia.
Basado sa inisyal na imbestigasyon, nagkaigwa nin technical problem an Starsky Aviation na sarong Fokker 50 plane pirang minuto makalihis an pag-take off sa Mogadishu International Airport.
Dugang pa ni Civil Aviation Authority (CAA) kan Somalia na naghurot an piloto na magbweltada huli sa problema alagad bigo na makapundo sa runway asin nag-overshoot sa Tarmac antes na magbagsak sa hababaw na parte kan dagat.
Salbado man na nakasalbar sa eroplano an mga pasahero makalihis na magbagsak ini sa Indian Ocean.
Pig-omaw ninda an marekas asin kalmadong pagdesisyon kan piloto tanganing masierto an kasalbaduhan kan gabos.
Padagos an ginigibong imbestigasyon kan mga otoridad dapit sa nasambitan ng insidente.
