Nangapodan si Senate President Francis “Chiz” Escudero na bawasan an P250.8 billion pondo para sa mga flood control projects kan Department of Public Works and Highways (DPWH) gikan sa prosopwestong P881.3 billion budget kaini para sa 2026.
Sigun ki Escudero, dapat ilaan an dakulang parte kan pondo sa edukasyon, salud, asin produksiyon kan pagkakan mantang pighahalat an pagpapautob kan ADB-funded flood control master plan sa masunod na taon.
Tinuligsa man kaini an labi na pondo para sa flood control, na labi pa sa P13 billion para sa mga bagong classrooms asin P52B para sa tulay, sigun sa budget proposal.
Pig-enkaminar man si Escudero an Department of Budget and Management (DBM) na liwat pag-adalan an DPWH budget asin limitaran an flood control projects para sa mga lugar na totoong bahaon.
Mientrastanto, pighurot kan mga lider kan Kamara na ibweltada an prosopwestong 2026 national budget sa DBM tanganing pakarhayon an alokasyon, kaibahan na an sa flood control projects.
Nagpromesa an DBM asin DPWH na rerebisahon an prosopwesto.
Sa tahaw kan kontrobersiya, nadawit si Escudero sa Centerways Construction and Development, saro sa top 15 contractors kan flood control projects.
Inako kaining nag-ako ini nin P30 million na campaign donation gikan sa presidente kaining si Lawrence Lubiano kan nakalihis na 2022, alagad pinahimutikan igwang kinaaraman ini sa mga operasyon kan kumpanya.
