NAGA CITY- Nakapagrehistro nin labi 30 mga estudyante na igwang hababang lebel kan pagkanood sa lado kan reading asin mathematics an sarong eskwelahan sa banwaan nin Ocampo, Camarines Sur.
Sa entrevista kan Bombo Radyo Naga ki Nerio Melano Sibulo III, Principal III kan Ocampo National High School,sinaysay kaini na igwa soboot pig-aapod na reading asin numerical program an saindang eskwelahan kun saen nagpuon an implementasyon kaini sa pagpuon mismo kan School Year para sa mga kaakian na nasasakitan sa pagbasa asin sa numerical.
Sa irarom kan programa igwang mga volunteer teacher man an nag-adaptar nin mga estudyante sa pagpuon pa sana kan kralasehan.
Obheto kaini na mas matutukan asin matukduan nin marhay an mga estudyante sa saindang mga kinakahampang na huma sa pag-aadal.
Apwera digde, igwa man kan pig-aapod na 8 week Curriculum kun saen sa Ocampo National High School, an huring qaurter kan school year an para sa pagtukdo kan pagbasa asin numerical.
Mientrastanto, pig-ako man kan opisyal na minimal sana man an epekto kan mga kaakian na hababa an lebel kan pagkanood alagad dae soboot ini nangangahulugan na pabayaan na sinda.
Padagos soboot an mga programa para sa mga kaakian tanganing magabayan an mga ini sa saindang pag-aadal.
