NAGA CITY- Kinundusir an clean up drive sa Brgy. Santa Cruz Naga City kan mga residente sa lugar.
Sa entrevista kan Bombo Radyo Naga ki Luois Fernandez Kagawad kan nasambit na lugar, sinaysay kaining tuyong Sabado regular sindang naglilinig sa saindang barangay para urog na maparahay an saindang lugar.
Segun sa saiya, nakikipagkooperar man an mga residente kan barangay kun kaya mayo sindang nagigin problema.
Mientrastanto, maugma man si Fernandez sa suboot pagkakapili kan Santa Cruz Elementary School na tatanoman nin mga kahoy kan mga kandidata kan Miss Earth 2019.
Segun sa saiya, bilog an saindang itataong tabang sa siyudad nin Naga kun enkaso madagos an nasambit na aktibidad.
