NAGA CITY- Masusunadan soboot nin magkakanigong kaso an estudyante sa Camarines Sur National High School na nakuanan nin Drug Paraphernalia.
Sigun ki PLTCOL. Chester Pomar, PIO kan NCPO, sinaysay kaini na iba an kaso kan possession of drugs, pagpapabakal kaini, pagkakakumpiskar kan drug paraphernalia nin huli ta igwa soboot mga separadong penalidad para digde.
Katakod kaini,susog soboot sa imbestigasyon kan mga otoridad, makusog an boot na ipahiling kan nasambitan ng 20-anyos na estudyante sa security guard an bitbit kaining drug paraphernalia nin huli ta dae ini aware na pwedeng masunadan nin magkakanigong kaso.
Paliwanag kan opisyal, maski drug paraphernalia sana an makumpiskar sa sarong indibidwal igwa pa man giraray kakahampangon na kaso.
Huli kaini, padagos na nakamonitor an PDEA siring man an PNP sa mga eskwelahan orog na sa mga dati naman na igwang record sa saindang hepatura.
Pigtawan duon pa ni Pomar na dae ninda pigkokonsederar na kalaban an mga estudyante nin huli ta biktima man sana soboot an mga ini, nakafocus an saindang operasyon sa mga source kan droga na nangbibiktima kan mga jovenes.
Sa ngunyan, pigsierto na sana kan opisyal na padagos-dagos an saindang pigkukundusir na mga programa tanganing labanan an iligal na droga.
