Eumir Marcial, sulamenteng boksingero kan nasyon na nagpuli nin gintong medalya sa SEA Games

Sulamenteng si Eumir Marcial sana sa mga boksingero kan nasyon an naglaban sa gold medal match kan Southeast Asian Games sa Thailand.

Dinaog kaya kaini si Maikhel Roberrd Muskita kan Indonesia sa paagi kan split decision sa finals kan men’s light heavyweight.

Nakua ni Marcial an pinaboran kan apat na judges orog na sa pagpapauran kaini nin mga suntok sa ikatolong round.

Ini na an pang-limang gintong medalya ni Marcial sa SEA Games kun saen dominado kaini an kawat puon pa kan magsabak ini kan taong 2015.