NAGA CITY- Napano nin mga evacuees an evacuation center sa banwaan kan Sagnay Camrines Sur, Sa nagin entrevista kan Bombo Radyo Naga ki Noli Pielago, MDRRMO Sagnay, pigsaysay kaini na sa huring monitor ngunyan, overload na soboot kan mga residenteng nag ebakwar na pigkakarkulong nasa poco mas o menos 4,000 inbidwal na buot sabihon an mga ini dae na nag agi sa ano man na depisil na piriritan o pag inkaminar kan mga otoridad na mag iba sa saindang pag anunsyar nin force evacuation.
Igwa soboot nagkapira na nagkusa na talagang pag ebakwar orog na an mga yaon sa landslide asin flashflood prone area, mantang an iba man na dae nag iba, pigwawalatan nin waiver.
Dugang pa man kan opisyal, lima an talagng pigbubukasan na mga evacuation center sa banwaan nin Pasacao alagad sa dae piglaoman na pagdagsa nin kadakol na mga evacuees,nagdugang pa man soboot sinda nin madadagusan kan mga residente.
Gabos man neheherasan nin pagkakan alagad minsan dae tama sa oras an pag panao huli sa kadakol na bilang kan mga ini.
An pighaditan soboot ninda iyo an paglangkaw nin tubig uran na pwedeng mag baha orog pa an storm surge.
Pigsaysay pa man kan opisyal an tulos na pag disseminate kan mga impormasyon na mawot maraman kan gabos na residentes.
Mientrastanto padagos man giraray an pag pagirumdom kaini sa gabos na residente na mag likay pirme asin siertuhon na secured an mga importanteng dokumento sa lambang harong.
