NAGA CITY- Preparado na an mga evacuation center sa Barangay San Felipe, Naga City kasabay kan piglalaoman na panlalamasa ni Severe Tropical Storm Opong sa Bicol Region.
Sa entrevista kan Bombo Radyo Naga ki Alfonso Rodriguez, Barangay Kapitan kan nasambitan ng lugar, sinaysay kaini na antes pa man an piglalaoman na paglandfall nakaprepar na an saidang mga evacuation center sa pag-akomodar kan saindang mga residentes.
Sigun pa ki Rodriguez, an mga nagkapira sa saindang mga nasasakupan an dae naman nagpapasiring sa mga evacuation center nin huli ta medyo harayo soboot ini asin pinipili kan iba na sa mga pagtaraid na sana magbalyo tuyong igwang kalamidad.
Dugang pa kan opisyal, padagos man an saindang pigsasagibong pag-abiso sa saindang lugar dapit sa posibilidad kan paglangkaw sa lebel kan tubig orog na ta piglalaoman na labing pag-uran an dadarahon kan nasambitan ng bagyo.
Mientrastanto, magkakaigwa man nin deployment kan mga Barangay tanod komo dugang na preparasyon sa pinag-aanteseparan na pagtama kan bagyo.
Sa ngunyan, hagad na sana kan opisyal an kooperasyon kan publiko tanganing magin salbado an gabos sa panahon kan kalamidad.
