NAGA CITY– Nilinaw kan Muslim Community sa ciudad nin Naga na mayo sa mga evacuees gikan sa Marawi City an nadakop sa nangyaring operasyon kan Optical Media Board (OMB) asin Naga City Police Office (NCPO) sa nasambitan ng ciudad kan nakaaging semana.
Katakod ini kan enot nang napabareta na suboot may sarong taga marawi na nakaiba sa nadakop kan OMB na nagpapabakal kan piniratng DVD asin CD sa ciudad.
Sa entrevista kan Bombo Radyo Naga ki Mike Mustafa, an Maranao Guild kan muslim community sa ciudad, sinaysay kaini na solamenteng mga bado sana an ipinapabakal kan mga evacuess tuyong biyernes hasta domingo sa night market sa Naga City peple’s Mall.
Marurumdumang tinatantyang maabot sa labi sa P13.3 million na kantidad nin piniratang DVD asin CD an nakaumpiskar kan OMB kinundusir na operasyon sa ciudad kan nakaaging semana.
Meintrastanto, nag-abiso man si Mustafa sa saiyang mga kaibahan na untukan na an pagpapabakal kan nasambitan ng mga produkto.
