Pinag-aadalan na kan gobierno an extradition o pag-surrender ki Sen. Bato dela Rosa kun enkaso igwang arrest warrant na gikan sa International Criminal Court (ICC).
Sigun ki Chief State Counsel Dennis Arvin Chan, ini an saindang duwang opsyon sa irarom kan Republic Act 9851.
Alagad mayo pa soboot sindang nahihiling o kapot na kopya kan arrest warrant kontra ki Dela Rosa sa ibong kan pagkumpirmar ni Ombudsman Boying Remulla sa sarong radio interview.
Pigpaliwanag ni Chan na mas marekas an proseso kan pag-surrender ni dating PNP Chief kan Duterte Administration ‘theoretically’ kumparar sa extradition na kaipuhan pa nin kadakol na hearing.
Mientrastanto, pighahalat pa ninda an resolusyon sa nakabinbing petisyon kan kampo ni dating Pang. Rodrigo Duterte sa Korte Suprema.
