NAGA CITY – Opisyal nang pigbukasan an Feria De Camarines featuring Muebles kasuudma, Mayo 29, 2025 sa sarong mall sa siyudad nin Naga.
Sa entrevista kan Bombo Radyo Naga ki Dindo G. Nabol, Regional Director kan DTI Region V, sinaysay kaini na an nasambitan ng aktibidad an saro sa mga asistensiya na pigtatao kan DTI sa mga Micro, Small, and Medium Enterprises makalihis an serye kan product development.
Sigun pa ki Nabol, parte pa ini kan marketing effort na maipromoter an mga produkto asin mapamarhay an buhay kan mga entrepreneur. Katakod digde, naoogma soboot an opisyal sa mga positive feedback na saindang nareseber sa pagkundusir kan aktibidad nin huli ta nagpapahiling ini na magayon an bunga kan saindang paglalapigot.
Mientrastanto, an mga pigpapabakal na furniture an igwang marhay na kalidad asin gibo kan mga artistic siringman skillful design na mga entrepreneur.
An Feria De Camarines featuring Muebles an madurar hasta sa June 2, 2025.
Sa ngunyan, pig-enkaminar na sana ni Nabol an publiko na anduyugan an gibo kan mga Micro, Small, and Medium Enterprises gikan sa probinsiya nin Camarines Sur.
