Pigkumpirmar kan Samahang Basketbol ng Pilipinas (SBP) na ginawaran na nin FIBA (International Basketball Federation) nin local status si University of the Philippines center/forward Quentin Millora-Brown.
Sigun sa SBP, ini bibistuhon na komo local player sa irarom kan FIBA Management and Administration Platform (MAP).
Si Quentin Millora-Brown, na bistado sa saiyang monicker na QMB, an parte kan 2024 UAAP men’s basketball team na nagpuli nin championship makalihis na daugon an La Salle three-game Final series.
Nagsirbi man ining reinforcement para sa Gilas Pilipinas kan hinampang kaini an Macau Black Bears, sarong aldaw antes magbiyahe an koponan pasiring Saudi Arabia para sa 2025 FIBA Asia Cup.
Sa nasambitan ng laban, nagbulsa QMB nin anom na puntos asin pitong rebounds asin nagtabang sa Gilas tanganing iposte an 5-point win kontra sa Chinese team.
Huli sa paggawad nin local status, pwede nang makaibahan kan Gilas Pilipinas 25-anyos na forward sa mga masunod na babalihan kaining laban.
Ikinaogma man ni SBP president Al Panlilio an bagong desisyon kan FIBA.Sigun sa basketball executive, an size asin skill ni QMB, sierto na makapagtatao nin positibo asin dakulang impact sa Gilas Pilipinas, sa mga masunod kaining babalihang laban.
